بالبلدي اللي راح

عدد الرسائل : 108 نقاط : 5814

بالبلدي
اللي راح !

يكتبها : المصري
من أسبوع قابلت حسين.. لقيته زي ما كان من سنين.. يمكن عجّز شوية.. كحكح شويتين.. بس فضل زي ما سبته "فيلسوف الشلة".. طول عمره بيشوف الدنيا وردي رغم الغمام علشان كده كان بوصلتنا في الأزمات.. "النفساوي" بتاعنا.. لما حد يتعب يروح لحسين القهوة.. كلمتين.. تلاتة.. وبالكتير خمسة.. يبقي تمام.. أصل حسين كان أخصائي شفط مشاكل.. لو واحد مراته زعلانة ترجع علي ايده.. ولو واحد مزنوق.. يصبح تاني يوم مجبور بعد تدخل "أبومحمد".. أمه قالت لي مرة واحنا صغيرين إن ولادته كانت صعبة.. وقالت مدد يا حُسين.. ومن يومها وابنها حلال العقد.
بس الأسبوع اللي فات.. كان سحس مهموم.. ويمكن كمان مقطعاه الهموم.. مالك يا سيدنا سألته زي ما كان تمللي يسألني علشان أضحكه زي زمان! لكن لأول مرة لقيته بيبكي.. يا نهار أسود حسين بيعيط!.. اللي خلي الدنيا ضحكت لينا ميت مرة.. واللي بيشوف الشمس طالعة من خرم إبرة.. وكان برضه بيشوف شقته اللي قد "الحُق" فيلا.. و"الخرقة هدِمة.. والدنيا عنده ماشية بكره.. علشان كده مبيزعلش عليها ولا منها.. لو جت حلوة.. يقول لك بكرة "تمرر".. ولو اسودت.. يأكد لك أنها "حتنور" بس نصبر.. ولما هو كده.. ليه بتعيط يا حسين!
لا أنكر أننا كلنا حاسدينه فلوسه قليلة وصحته منيلة.. ومراته نكديه ومع ذلك ضحكته مجلجلة.. كنت أقول لأصحابنا ربنا رزقنا بحسين علشان "يربينا".. ونحمده علي حاجات كتيرة.. نحسها بس لما نشوفه.. الوحيد في حياتي اللي شفته يلبس ابتسامة!! معندوش الا بدلتين.. لكن في نظري كان أشيك من "كلوني" وأحلي من "هاني سلامة".. وأرجع تاني لسؤالي ليه بتبكي يا حسين!
بعد الحاح قال لي بابكي علي الضمير! ياه يا سحس هو لسه فيه ضمير يتبكي عليه! هو لسه فيه ناس عندها ضمير.. هو فين.. لا المدرس عنده ولا الحكيم.. لا المزارع ولا المقاول.. لا التاجر ولا المشتري.. لا الطالب ولا ولي أمره.. فين الضمير يا حسين ما تجننيش؟! الناس بتاكل سحت.. والراجل ساعات بياكل من عرق مراته والعياذ بالله! ورجال الأعمال شفطوا الفلوس.. والغلابة لموا زكايب التعاسة وحطوها أكوام أكوام.. الفران بيتاجر في الدقيق.. والصيدلي في المخدرات.. الرشوة بقت جنسية بعدما كانت "نقدية".. الناس بقت في غابة يا حسين.. حرام عليك وتقوللي ضمير.
حسين طلّع زفيره زي ريح قلوع المراكب.. قال يا أخي ماليش دعوة بحد! أنا بتكلم عن ضميري أنا اللي راح.. يا نهار أسود يا حسين معقول ضميرك أنت راح.. دا أنت ضميرك يكفي الحسين والسيدة.. والعباسية والمنشية.. ضميرك كان كرباج يلسوعنا لما كان عندنا إحنا شوية ضمير.. ومش معقول تيجي لي دلوقتي تقولي عنه إنه راح!
سحس المرة دي نفخ ضيق وغم.. وقال أصله كمان راح غصب عني.. قلت له ياريت تفهمني.. قال لي "خرفت" في الشغل!.. حسين اسطي "أويمجي" ولما يتزنق يشتغل في ورشتين.. الشغل زاد.. والمعلم "قرص" عليه.. قال له يا سحس أنت بطيء.. فنان صحيح لكن اسعفني أنا في عرضك.. قال له يا معلم أنا معاك بقالي سنين قولي اعمل إيه! رد صاحب الورشة هو انت فيه زيك يا أبومحمد.. دا أنا لحم اكتافي من خيرك.. لكن العيشة صعبة.. وبدل ما تعمل ستة كراسي خليهم عشرة.. حسين قال له حاضر.. وزي ما اتعلم لازم يرضي المعلم ..بس الزبون مبيرحمش.. الكراسي ما غرتش سبع تيام زي ما هو متعود.. فكها بعد أربع تيام.. عشان يخلص الباقي.. ولأول مرة من 30 سنة يشتكي الزبون ويقول لهم خلوا عندكم ضمير! وحسين كان ضروري يعيط علشان واحد ميعرفوش قال له فين الضمير!!
منقول ( بلا قيود ) الجمهورية 12/6/2008

Admin عدد الرسائل : 862 نقاط : 6424

س

لمت يداك أخي الغالي

نأمل أن نرى المزيد
و

[

url=https://dkrory.mam9.com/gallery/CaAaEaa-CaOIOi-a-Admin/06-pic_154.htm] بالبلدي اللي راح 0610

[/url]