تكـــريـــــــم

Admin عدد الرسائل : 862 نقاط : 6636

تكـــريـــــــم

زجل/ صلاح رجب

رئيس قسم بإدارة أبشواي التعليمية

ياللي طالعين للحيــــــــاه الجديــده ***** كلمتين إتنين دول أصل القصــــــــــــيدة

وان كانت الألفاظ قاسـية وشـــديدة ***** الكلام ان كان لكم في الاصـــــــــــل ليا

بعد التهاني والأماني والأغاني ***** انتواللي فوزتوا بالشباب ورجعتواتاني

انتم خرجتم سلام وانا قاعد مكاني ***** ادعولي أطلع زيكم علــــــــــــــى رجليا

واسمحولي أقول لكم إني حاسدكم ***** انا اللي كنت اتمنى اعيش الماضي معكم

أيام المدرسة كانت بأيــــــــــــدكم ***** تفاني وإخلاص وإحســــــاس بالمسؤلية

والمسؤلية من زمان كانت رسـالة ***** والمعلم له مكانته في كل حــــــــــــــــالة

إيه اللي غير وضعناوصبحنا هالة ***** (محوإمية!!!)ويـــــــــــاريت نمحي أمية

إبني وليد في إبتدائي قالي جولنــا ***** مدرســـــــــــــينا ف كل لجنة وسهلوا لنا

قال ولازم م الملازم يكتبو لنا ***** ولسة رأفة في كل غرفة ترفع شـــــــوية

قالي إوعى تقولي واجب مش راح أكتب ***** ليه أذاكر وفيه نجاح من غير ما أتعب

إنت حاسبني ع النتيجه وسيبنــــي ألعب ***** مسكت راسي وقلت إيه الورطــــــة ديه

قلت يابني المدرسه مش حوش نضيف ***** أو حمامات وكمبيوتر يشـــــــوفه ضيف

إيه فايدته والمستوى أصلاً ضـــــعيف ***** إيه فايدته واحنا اللي بايعين القضــــــــيه

يا وليد إوعــى تصدق دي العباره ***** بالعلم والمجهود بتلين الحجـــــــــــــاره

ومش بالغش أبداً بتقوم الحضـارة ***** والهرم ما اتبناش يابنــــــــــــــي بتمثيليه

في الإداره ألــــــف واحد للمتابعه ***** وموجهين ماركة الفين وسبـــــــــــــــعة

كل واحد منهم محتاج متابـــــــعه ***** مستأنسين بشــــــــــــــــــــــاي ومهلبيه

تقاريره تيجي للإداره حاجه حلوه ***** وترح وراه تلاقي ألف (بلــــــــــــــــوه)

ولو سألته يقولك بس سهـــــــــوه ***** وبعدين ما المـــــــــــــــــــدارس ميه ميه

غلبت واتبح صوتي ياناس عملكم ***** حللوا القرش اللي داخل جوا جيبكــــــــم

بداروا ليه ع العيوب وإيه جابركم ***** لو مدير مدرســـــــــــــة يلبسكوا الطاقيه

وإيه عملنا لما بالكدب نرفع نتيجة ***** شربوا الولاد مننا أشيــــــــــــــاء سميجة

ياخوانا إصحواداوطن مش لعب سيجه ***** شاف حمقتي قال حضرته: والميزانـــــيه

ميزانيه ماميزانيـــــــــــــــــــــــه ***** ربنا يستر عليـــــــــــــــــــــــــــــــــــــا

أنتو بالتكريـــــــــــــــــــم تفوزوا ***** وانا أروح العباسيــــــــــــــــــــــــــــــــه

القيت في حفل تكريم ثلة من رجال التعليم بإدارة أبشواي التعليمية