الحاووشى المصرى)

موضوع: الحاووشى المصرى) 29/12/2009, 14:26

الحاووشى المصرى)

المقادير

ربع كيلو لحم مفروم ناعم جدا + 15 عرق بقدونس مفروم ناعم + بصلة متوسطة مفرومه ناعم جدا + بندوره متوسطة مفرومه مكعبات صغيرة جدا + ملح +
بهار اسود + قليل جدا من 7 بهارات + ملعقتين كبار زيت زيتون
(اختياري فلفل احمر بودره للي يحب الحر شوي بس).

يعني تجيبي اللحم مفروم ناعم مره وتفرمي كل شي على حده وتخلطينهم بعدين كلهم سوا بيدك زين تخلطينهم باليد

الطريقة :

تجيبي خبز لبناني سميك شوي مو الرقيق مره في نوعية سميكة شوي مثل الخبز البيتي يكون مدور وسط او المدور الصغير ااذ ما لقيتوا الخبز البيتي السميك في الخبز المدور نفس مال الشاورما والفلافل

تجيبيه وتفتحيه من جهة واحده شوي وتمدي فيه شوية من اللحمه وترصيها داخل الخبزة زين بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الامام والخلف بس لا تمليها زيت بس مسسسح بيدك على خفيف (انظري للصورة)
وتخلصي الكمية كلها بهالطريقة

ثم تقسميها لاربع اقسام (انظري للصورة)

بعدين تلفي كل خبزة بالسيلفر (القصدير) وتحكمي عليها الاغلاق وتخلي اللفه المفتوحه من فوق عشان ما ينزل ماء اللحمه لتحت بالفرن

وتدخلينهم بصينية الفرن على الطبقة الوسط وتكوني مشغله الغاز من فوق ومن تحت على حرارة 180 - 200 درجة وبعد 20 دقيقة شيكي على وحده منهم اذا احمرت ولا لأ اذا ما حمرت اتركيها بعد شوي ممكن تاخذ وقت 30 دقيقة على حسب نوعية الفرون ونوعية الخبز

بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس وبعدين شيلي عنه السيلفر وحطيهم كلهم في صحن وغطيه كويس بالسيلفر او بحافظه او بكيس نايلون واحكمي الاغلاق عليهن لمدة لا تقل عن خمس دقايق، عشان تطرى الخبزة شوي اذا كانت محمصة والطعم احلى من اي مطعم واغلبي فيه المطاعم

وهذي صورة اخرى مره ثانيه للشكل النهائي

واذا كان تريدونه على الفحم هيبقي نفس المقادير ونفس الطريقة بس بدل السيلفر ما تليف بورق القصدير لا حطيه بالشبك الخاص واضغطي عليه وحطيه على الفحم وبس

بالهنا والشفا

الحاووشى المصرى) Gif_02_25

Admin عدد الرسائل : 862 نقاط : 6635

موضوع: رد: الحاووشى المصرى) 29/12/2009, 15:40

جزاك الله خيرا

جربوا الطريقه وقولوا رايكم